Psalms 16

दाविदाचे मिक्ताम (सुवर्णगीत)

1हे देवा, माझे रक्षण कर, कारण मी तुझ्यात आश्रय घेतला आहे.
2मी परमेश्वराला म्हणालो, “हे परमेश्वरा, तू माझा प्रभू आहेस, माझ्यामध्ये असलेला चांगुलपणा तुझ्याशिवाय काहीच नाही.”
3पृथ्वीवर जे पवित्र (संत) आहेत, ते थोर जन आहेत. त्यांच्यामध्ये माझा सर्व आनंद आहे.

4जे दुसऱ्या देवाला शोधतात, त्यांची दु:खे वाढवली जातील.

त्यांच्या देवाला मी रक्ताची पेयार्पणे ओतणार नाही.
किंवा त्यांचे नावसुद्धा आपल्या ओठाने घेणार नाही.

5परमेश्वरा, तू माझा निवडलेला भाग आणि माझा प्याला आहे. माझा वाटा तुच धरून ठेवतोस.

6माझ्या करिता सिमारेषा सुखद ठिकाणी पडल्या आहेत. खचित माझे वतन सुंदर आहे.

7मी परमेश्वराची स्तुती करतो, ज्याने मला मार्गदर्शन केले आहे, रात्रीच्या वेळी माझे मन मला शिकविते.

8मी परमेश्वराला नेहमी माझ्यासमोर ठेवतो म्हणून मी त्याच्या उजव्या हातातून कधीही ढळणार नाही.

9त्यामुळे माझे हृदय आनंदी आहे; माझे मन त्याला उंच करते. खचित माझा देह सुद्धा सुरक्षितेत जगणार.

10कारण तू माझ्या जीवाला मृतलोकांत राहू देणार नाही, ज्याच्याजवळ तुझी प्रेमदया आहे, त्याला तू अधोलोक पाहू देणार नाही.

तू मला जीवनाचा मार्ग शिकवला, तुझ्या उपस्थितित विपुल हर्ष आहे, तुझ्या उजव्या हातात सुखे सर्वकाळ आहेत.

11